Namminersorlutik Oqartussani digitalimik akiligassalerisarneq pillugu ilisimatitsissut

Digitalimik akiligassalerisarnissamut piumasaqaatit
Namminersorlutik Oqartussanut pilersuisartut sullissisartullu tamarmik 1. marts 2025 aallarnerfigalugu akiligassanik OIOUBL-formatinngorlugit digitalimik nassiussisalissapput. Aningaasatigut sullissinerit pitsaanerulersinnissaanik qarasaasianillu atuinerulernissamik Namminersorlutik Oqartussat anguniagaasa taakku ilaagaat.

Aningaasatigut killilikkamik atuukkunnaarsitsisarneq
Pilersuisartut sullissisartullu ukiumut 300.000 kr. ataallugit kaaviiaartitaqartartut akiligassanik OIOUBL- formatinngorlugit digitalimik nassiussisassanngillat. Pilersuisartut sullissisartullu taakku akiligassanik PDF-inngorlugit nassiussisinnaajuassapput.

Pilersuisartut sullissisartullu ukiumut 300.000 kr.-inik annertunerusunilluunniit kaaviiaartitsisartut akiligassanik OIOUBL- formatinngorlugit digitalimik nassiussisarnissaat piumasaqaataavoq.

Akiliuteqarnissami piumasaqaatit
Digitalimik akiligassalerisalernerup isumannaatsumik pinissaa qulakkeerniarlugu Namminersorlutik Oqartussat akiliuteqarnissami imaattunik piumasaqaasiorsimapput:

• Digitalimik akiligassat (OIOUBL-inngorlugu) Ullut 30-t nallertinnagit akilerneqassapput.
• Digitaliunngitsumik akiligassat (PDF- imaluunniit pappiaranngorlugit): Ullut 60-it nallertinnagit akilerneqassapput.

Akiligassat suliarisarneri akiligassalerisarnerillu pisariillisarniarlugit pilersuisartugut sullissisartugullu kaammattorpagut piaarnerpaamik OIOUBL-imik atuileqqullugit.

Ilitsersuinerit ikiuinerillu Pilersuisuusartut sullissisartullu digitalimik akiligassalerisalernermi ikiortariaqartut Aningaasaqarnermut Sulisoqarnermullu Aqutsisoqarfimmit ilitsersorneqarsinnaapput. Teknikkikkut ikiortariaqartut, teknikkikkut nassuiaatinik pisariaqartitsisut una takusinnaavaat www.inussuk-it.gl/gln imaaluunniit  Inussuk-IT ugguuna attavigisiuk support@inussuk-it.gl.

Digitalimik akiligassalerisarnermi piumasaqaatinut tunngatillugu erseqqinnerusumik paasisaqarusuttut nalunaarut uani nanisinnaavaat: Namminersorlutik Oqartussat nalunaarutaat nr 44, 11_11_2024-meersoq..

Suleqataanissinnut qujavugut
Qarasaasiat atiorlugit sullissinerit ineriartortinniarnerini pilersuisuusartut sullissisartullu tamarmik suleqataasimanerinut Namminersorlutik Oqartussanit qujaffigineqarput. Siunissami pitsaasumik suleqatigeeqqissinnaanissarput qilanaarilereerparput.