Namminersorlutik Oqartussat sinnerlugit Aningaasaqarnermut Sulisoqarnermullu
Aqutsisoqarfik atorfinitsitsillunilu, akissarsiassanik inissiillunilu isumaqatigiissusiortarpoq.

Taamaammat immikkoortortamut nutaamik atorfinitsitsiniarnermi, uunga
Immersuivimmut iserluni "Atorfinitsitsinissamut inassuteqaatit" qarasaasiakkut
atorfinitsitsinissamut immersugassiaq immersorneqassaaq 

https://erp.ditmerflex.dk/dcr/Login?returnUrl=%2Fdcr%2FHome%2FMineBlanketter 

Qarasaasiakkut immersugassiaq immersorneqassappat, aqutsisut paasissutissat makku
piareersimassavaat:

• Pineqartup inuttut paasissutissartai, qinnuteqaatit aamma imminut ilisaritinneq
• Atorfiup inuttassarsiuunneqarneranut allagartaliussaq aamma paasissutissat
  tassunga tunngasut.
• Kontolersuisarneq pillugu paasissutissat
• Suliffimmut atatillugu ineqarneq pillugu paasissutissat.
• Akileraartarnermut paasissutissat
• Webtasimi akuersisartut tullersortillu pillugit paasissutissat
  ilanngunneqarsinnaapput.
• Tamalaat Uppernarsaalluni neriorsuuteqarlunilu nalunaarut.

Kingusinnerusukkut imminut ilisaritinnera siusinnerusukkut atorfigisimasai pillugit
sukumiinerusumik paasissutissanik pisariaqartitsineq naapertorlugu ilaneqarsinnaapput,
atorfeqarsimanerata sivisussusia naapertorlugu akissarsiat naatsorsorneqarnissaanut
atortussaq. Tassunga "Uppernarsaalluni neriorsuuteqarlunilu nalunaarut" atorneqassaaq,
taannalu ataani allattorsimaffimmit aasinnaavat.

Pisortanik, immikkut aamma siunnersortit pisortaannik atorfinitsitsinerni suli allanik
najoqqutassaqarpoq.

Malugiuk lærlinginik/ilinniartunik atorfinitsitsinerni immikkut immersugassiap
"Lærlingit/ilinniartut - Atorfinitsinnissaannut inassuteqaat"-ip atorneqarnissaa.