Suliffeqarfiup ilaani immikkut ittumi illit aqutsisoralutit tatiginartumik attuumassutilimmik sulisut aqussavatit ineriartortillugillu. Tamanna oqaloqatigiinnikkut pissaaq, tassani sulisut atugaat toqqissisimanerallu qitiutinneqarlutik aamma illit ersarissuussaatit, tikikkuminarlutit, alaatsinaallutit qanilaarlutillu.

Sulisut eqqortut piginnaasaat kajumissusiallu aallaavigalugit aamma ersarissunik killiliillutillu siunnerfiliillutit immikkoortortarisat aaqqissuutissavat. Suliassat nassuiassuatit, pingaarnersiorlugit, ataqatigiissaarlugit suliakkiissutigalugillu taamaaliussaatit. Tamanna ilutigalugu inatsisit sulisunut tunngasut aqutseriaatsillu assigiinngitsut ilisimassavatit, tamatumani tusarnaartassaatit, naatsorsuutigisatit naleqqussassavatit aamma tigussaasunik utertitsisut pissusilersuutillu iluarsisat tapersersussavatit.

Tamanna sulisut eqqortunik killilernissaannut suliassaminnillu suliarinninnissaminnut periarfissaqarnissaannut naatsorsuutigisanik pilersitsinikkut pissaaq. Tamatuma malitsigisaanik sulisussarsiorneq sulisunillu tigumminniinnarnissamik qitiutitsinermik malitseqarpoq, tamatumani sulisut suliffeqarfiup pisariaqartitaasa assinganik suliatigut inuttullu piginnaasaqarnissaa qulakkeerniarlugu. Sulisut piginnaasaallu ineriartortinneqarnissaat ingerlaavartumik neqeroorutigisassavatit qulakkeerlugillu. Tamanna illit immikkoortortaqarfigisanni assigiinngitsunut inissaqarfiusumi aamma timikkut tarnikkullu pitsaasuuffiusumut sulinermi ataatsimoorfimmut qanimut attuumassuteqarfiusumi suliatigut avatangiisinik nukittuujunissaq malitseqartarniartussaassaaq.

Akisussaaffimmik tigusisinnaassaatit toqqakkannillu tunngavilersuillutit tamatumuunakkummi tamatuminnga paasinninnermik pilersitsissaatit. Tassa ilaatigut imaappoq inuit suliatigullu aporaannerit pitsaasumik isumagissagitit - aamma pissutsini suliffiup avataani tunngasuni. Tamanna illit attaveqartarninni ersarissuunissannik, periarfissat assigiinngitsut aallaavigalugit pissutsinik eqqumaffiginninnissannut aamma kulturit assigiinngissutaannik paasinninnissannut piumasaqaatitaqarpoq, taamaalillutik sulisut imminneq naleqartutut pineqartassallutik.

Ullormi pikkorissarfiusumi pisortatut suliassaq siulianiittoq pingaarnertut sammineqartussaavoq.

Pikkorissarnerup nalaanni periutsit piviusut makku sammineqassapput:

• Sulisut qaninneruniarlugit qanoq iliuuseqartarpit?
• Illit sulisullu akornanni tatigeqatigiilerniarlusi qanoq iliuuseqarpit?
• Sulisut atugarissaarnissaat qanoq isumagisarpiuk?
• Piginnaasallit eqqortut sulinissaat aamma holdit eqqortuunissaat qanoq iliuuseqarfigisarpigit?
• Aalajangiinissat ajornakusoortut pitsaasumik qanoq aalajangertarpigit naammassillugillu?

 Periuseq:

Saqqummiineq naatsoq, sungiusarneq, utertitsiviginninneq, kingumut qiviarneq oqallinnerillu. Aqutsisup ataatsip allat ilagalugit inissisimaffini oqallisigissavaa. Immikkut periuutsimik pilersaarusiornikkut inernerisanit ilinniarneq ataavartinneqassaaq.

Naalakkersuisut qitiusumik allaffeqarfianni aqutsisuuvutit.