Pikkorissarnermi ulluni pingasuni ingerlanneqartumi suliffimmik misiliisumut siunnersuisartutut suliaqalersinnaanissannut atortussarnik tuniorartissaatit, taamaasillutit ilinniartumut , lærlingimut imaluunniit suliffimmik misiliisumut ilinniarnerannut siuarsaaqataallutillu piumassuseqalertitsisinnaaniassagavit.

Oqaatsit

Pikkorissaaneq oqaatsit marluk atorneqassapput, tassa kalallisut qallunaatullu
ingerlanneqassaaq, taamatuttaaq eqimattakkuutaarnerit oqallinnerillu oqaatsit taakku marluk atorlugit ingerlanneqarumaarlutik.

Pikkorissarnerup imaa

• Tunngaviusumik TNI-mik aamma AU-mik ilinniartitaanerit ilusiligaanerat aaqqissuussaanerallu
• Nalilersuineq aamma naliliineq
• Inuussutissarsiutinut ilinniartitsinermut inatsit, Isumaqatigiissutit aammalu malittarisassat
• Inatsisit atuuttut
• Sulisumik nutaamik isertitsineq aammalu paasissutissat pisariallit
• Ilitsersuut eqqarsaatersuutillu - pitsaasumik oqaloqatigiinneq
• Toqqissisimaneq kajumissaarinerlu
• Suliffimmi avatangiisit
• Generation Z
• Suliffeqarfik pillugu tamatumanilu aaqqissuussaaneq aamma aqutsineq pillugu oqaluttuarneq

Ulluni pingasuni ingerlasuni piviusumit tigulaakkanik saqqummiuffigineqarlusilu suliaqarlusi.

Anguniakkat

• Kalaallit Nunaanni TNI-mik aamma AU-mik tunngaviusumik ilinniartitaanerit pilersinneqarnerinut ineriartortinneqarnerinullu attuumassutilinnut atugassarititaasunik sinaakkusiussaasunillu peqataasut paasisaqalernissaat.
• Ilinniartitaanerni pineqartuni suliffimmik misiliinermut ilikkagassanik aaqqissuussinermik peqataasut tunngaviusunik paasisaqalernissaat.
• Suliffimmik misiliisumut siunnersuisartutut inissisimaffiit suliarisallu pillugu paasilluarnissaanik ineriartortitsissaatit
• Ilinniartut/Lærlingit/suliffimmik misiliisut misilittaanissaannut piareersarsinnaalissavatit
• Ilinniartup/Lærlingip/suliffimmik misiliisup assigiinngissusaat aammalu assigiinngitsumik ilinniariaasiat paasisaqarfigissavat
• Ilinniartunik/lærlinginik/suliffimmik misiliisunik piginnaanngorsaasinnaanermut aammalu ilinniarfiannut piareersarlugillu suliumassuseqalersitsinissamut atortorissaarutinik pissarsiaqassaatit

Saqqummiisussat

Saqqummiisut tassaassapput Ineriartortitsinermut allaffimmit aammalu ilinniarfiusunit aammalu kattuffinnit qaaqqusat.

Paasissutissat

Akit: 3500 kr. peqataasumut ataatsimut

Piffissaq: ulluni pingasuni taakkunani nal. 8. 30 – 16.00

Pisortani allaffimmi sulisuuvutit ukiullu suliffigisimasat minnerpaamik marluupput. Allaffissinni TNI-tut imaluunniit AU-tut qaffasissusilimmik ilinniartumik, lærlingimik imaluunniit suliffimmik misiliisumik siunnersuisoorusupputit imaluunniit siunnersuisuusarputit.