Peqataasut naalakkersiusumik kiffartuussinermut assersuutinik pitsaasunik takusaqassapput peqataasullu allassimasaannik, allannermik siunnersuinissamik sungiusassallutik. Pikkorissaasumit saqqummiinerit ataatsimullu sungiusarnerit paarlakaajaatissavagut. Pikkorissarnermi peqataasut paasisaminnik apersuinissamut misileraanissamullu piffissaqarluassapput.

Modul 1: Paatsuugassaanngitsumik allanneq atuarnerlu

1. Digitaliusumi paatsuugassaanngitsumik allanneq. Ullumikkut atuagassat amerlanerit digitalitigut atuarneqartarput. Allatavit ersarissumik paatsuugassaanngitsumillu allannissaanut suut pingaaruteqarnersut paasiuk.
2. Oqaaseqatigiit ersarissut: Oqaaseqatigiinni paasiuminartuni, suliamut tunngatillugu paasissutissat

      o kina sunersoq takutiguk

      o qitiusumik iliuuserineqartut nakkutigikkit

      o oqaluut susorlu siusissukkut ilikkit qanitsillugillu.

3. Immikkoortoq: Allakkap imarisaata misissuataarnissaanut eqqaamanissaanullu oqinnerulersiguk

      o qulequtakkaaralutit aallartigit

      o ataqatigiissitsinerit tunngavilersuinerillu takutikkit.

Modul 2: Sullinniarneqartut suliamullu tunngatillugu ingerlatitseqqiineq

1. Illit sullinniakkatit. Kikkunnut allappit taakkualu suut pisariaqartippaat?
2. Sulianik paasisimasaqarneq ingerlatitseqqinnerlu: Taakkua qanoq naapisinneqarsinnaappat?

      o Nalorsitsaarineq: Suut oqaatsit begrebillu danskit paasisarpaat (paasineq ajorpaat)?

      o Nassuiaanissaq qaqugukkut pisariaqarpa - qanorlu initutigisinnaava?

      o Suliamut tunngatillugu oqariaatsinut isumasiuummik/nassuiaammik pitsaasumik allagit.

3. Tunaartassiaq: Tamakkiisumik isiginnilersitsigit attuumassuteqarnerlu takutiguk

      o qulequttat: immikkoortortalersuigit inerniliillutillu

      o innersuussinerit linkillu

      o immikkoortunik inississuineq.

Modul 3 Eqaamassutissiat allannermullu workshoppi (internet aqqutigalugu ingerlanneqartuaannarpoq)

Modulimi matumani eqqaamassutissianik allanneq qitiutinneqarpoq. Peqataasut skabelonit qanoq atortarneraat takutissavarput, sulianillu ingerlatsinermi sunniuteqarluartussamik qulakkeerinnittoq, eqqaamassutissianngorlugu inassuteqaatinngorluguluunniit allallugu. Peqataasullu allannermi siunnersuutit pisimasatik ataavartumik atussavaat. Taamaattumillu nammineq allatamik suliarinnittoqarnissaanut immikkut piffissaliisoqarnikuuvoq.

1. Eqqaamassutissiat. Pitsaasumik atorsinnaasumillu imatut eqqaamassutissaliussaatit.
2. Workshop: Nammineq allatanni allannermut siunnersuutit tamaasa atukkit.
3. Akilluni qisuariaat assersuutillu pitsaasut. Ilassi pitsaasumik allataat qanorlu allannermi siunnersuutit atorsimaneraat tusarnaarsigit.