---

Ilasi Ledelsesinfo-mik sivisuumik atuereersimasut nalusimassanngilaat sivisuumik windows-emailimik iserasuaammillu iserasuarnissaq ajornartarsimasoq.

Taamaammat amerlanertassi Kursusbrugeren aqqutigalugu kinaassusersugaanngitsumik Ledelsesinfo-mut isertarsimallutik.

Digitaliseeriinermut Aqutsisoqarfiup windowslogin-ikkut iserasuarsinnaanissaq aaqqissinnaanissaannut iluatsippasittumik suliniuteqarsimavoq. 

Taamaammat maanna piffissanngorsimavoq isumannaatsumik Kursusbrugeri aqqutigalugu iserasuarsinnaaneq unitsinneqarsinnaanngorneranut. Kursusbrugeri taamaasilluni ukiup 2025-ip ingerlanerani matuneqarumaarpoq.

Ukiup 2025-ip ingerlarngata affaa naalernerata tungaanut Ledelsesinfo-mut pisariaqartumik iserasuartarsinnaanissassinnut immersugassaq 009A2 atortassagissi aammalu ulluinnarni atortorissaarutikkut sulinissinni windowslogin-imik iserasuartarnissaq sungiunniarnissaa innersuunneqarpoq.

Paasisaqarnerorusukkuit www . asa . gl/Regnskab og Økonomi/Svar på næsten alt aqqutigalugit ilitsersuutit alakkarsinnaavatit. Innersuukkusupparpullu sapaatip akunneranut Teams-ikkut apeqqutilliisoqartarsinnaaneranut ataatsimiittarfitsigut ilaasarnissarsi. Naggattullu xal@nanoq.gl allaffigalugu ikiortittarsinnaavusi.