Ininik Attartorneq

Naalakkersuisut Qitiusumik Allaffeqarfianni taassumalu ataani immikkoortortaqarfinni illunik ininillu attartortarnissat pillugit kaajallaasitaq ataasinngornermi 17. maj 2021-ani atuutilernerani, Naalakkersuisoqarfiit tamakkulu ataanni immikkoortortaqarfiit illunik ininillu attartornermut isumaqatigiissutinik, attartukkanullu tamanut kaajallaasitap atuutilinnginnerata siornatigut isumaqatigiissutaasimasunut uppernarsaatinik ASA-mut tunniussinissaminnut pisussaatitaalerput.

Isumaqatigiissutsit atsiorsimasut allallu attartuinermut uppernarsaatit uunga ulloq 17. juni 2021-utinnagu nassiunneqassapput lejemaal@nanoq.gl (tak. kaajallaasitami § 9, imm. 2).

Naalakkersuisoqarfiit immikkoortortallu ataaniittut inissianik ininillu attartorusukkunik siunissami ASA-mut attaveqartassapput. Attaveqarneq ASA-p nittartagaani immersugassatigut immersuinikkut pissaaq, tak. kaajallaasitami § 6, imm. 2.

Immersugassaq suli naammassineqanngimmat  maannakkut uunga lejemaal@nanoq.gl saaffiginneqquneqarpusi. Immersugassaq naammassisimaleriarpat Nanuaqqakkut nutaarsiassaqarumaarpoq.